Жұмыстар мамыр айының басында басталып, қазан айына дейін жалғасады, деп хабарлайды @Pavlodarnews.kz.Қала әкімі баспасөз қызметінің мәліметінше, тұрғындардан келіп түсетін басты мәселелердің бірі - аулаішілік аумақтарды абаттандыру және балалар ойын алаңдарын орнату.
- Қазіргі таңда қалада 610 аула бар, олардың 504-і немесе 83%-ы ондаған жылдар бойы жаңартылмаған. Мердігер ұйымды анықтау мерзімінің кешігуіне байланысты 2021 жылы жаңартылмаған 50 ауланы ескере отырып, 2022 жылы 150 ауланы ретке келтіру жоспарлануда, - дейді әкімдікте.
Бұл аулаларда аулаішілік жолдар мен жаяу адамдар жүретін жолдардың асфальт жабыны жаңартылады, жарықтандыру жүргізіледі, сондай-ақ, жаңа балалар алаңдары орнатылады.
Фото: Константин Шелков
