Ақсу қаласында үш
«Мерседес» маркалы автобусы қолданысқа берілді.
«АқсуТрансБизнес» ЖК-нің иесі Бекболат Ахметовтың айтуынша, жаңа
қоғамдық көліктер енді №1, 4, 5 автобус бағыттары бойынша халықты
тасымалдайды. Германиядан әкелінген қоғамдық көліктерде 34 отыратын және
63 тұратын орын қарастырылған. Ең бастысы, автобустарда арбадағы
мүмкіндігі шектеулі азаматтарға арнайы пандустар мен жүргізушіге есік
ашуды ескертетін түймешіктер бар.
- Фирмада бұған дейін 25 автобус қызмет көрсетіп келген болатын, енді
олардың қатары 3 еуропалық көлікпен толыға түсті. Бұл қоғамдық көлікпен
жиі жүретін тұрғындарға тиімді әрі ыңғайлы болмақ. Содай-ақ, алдағы 5-6
жылда автобус паркін жаңартып, ескілерін бағыттан алып тастау жоспарда
бар, - дейді фирма басшысы.
Айта кетерлігі, қоғамдық көліктер Ақсу қаласы кәсіпкерлер палатасының
қолдауымен «Нәтижелі жұмыспен қамту және жаппай кәсіпкерлікті дамыту»
бағдарламасы аясында сатып алынған. Жобаның жалпы құны 30 млн. теңгені
құрайды.
http://pavlodarnews.kz/
http://pavlodarnews.kz/
