«Ертіс» ФК отбасылық үлгідегі балалар ауылымен меморандум жасады

Павлодарлық «Ертіс» ФК Кенжекөлдегі отбасылық үлгідегі балалар ауылымен меморандум жасады

Бұл туралы павлодарлық клубтың баспасөз қызметі хабарлады.
- Кезекті жаттығу күні аяқталған соң клуб әкімшілігі, бапкерлер мен футболшылар Кенжекөлдегі отбасы үлгісіндегі балалар ауылына барып қайтты, - дейді баспасөз қызметінде. - Ұл-қыздар футболшыларды құшақ жая қарсы алып, тәтті дастарханнан дәм татқызды. Еркін отырыс барысында олар ашық әңгімеге көшіп, өздерін қызықтырған сұрақтарға жауап алды. Команда өкілдері балаларға арнап клуб атрибутикаларын және доптарды сыйға тартты. Кездесудің ең маңызды бөлігі
- меморандумның жасалуы болды. Алдағы жылдан бастап кенжекөлдік балалар негізгі құрамның ойыншыларын алаңға қолдарынан ұстап бірге шығады. Бүгінгі таңда осы орталықта 70 тәрбиеленуші бар.

Айта кетейік, «Ертіс» ФК балалар үйлеріне тұрақты түрде барып, ата-анасының қамқорлығынсыз қалған жасөспірімдермен кездесулер ұйымдастырады.
http://pavlodarnews.kz/Picturemanager/ABZIKFOTO/Z9AD4e7lc8s.jpg

Еске сала кетейік, Премьер-Лиганың 15-турындағы «Ертіс» - «Оқжетпес» ойынында жасыл алаңға футболшылар мен сал ауруына шалдыққан балалар бірге шыққан болатын. Сол матчта команда ойыншылары орталыққа қонаққа келеміз деп уәде берген.
Кейін ойыншылар тірек-қимыл аппараты бұзылған балалардың оңалту орталығында болып, сый-сипаттар табыстады.

Абзал Қабдраш
Суреттер fcirtysh.kz сайтынан алынды
http://pavlodarnews.kz/

Павлодар :: 29 января 2019 10:28

0 536

В избранное

Поделиться в социальные сети: