Ауданның 14 мекемесі жаңа музыкалық құралдарға ие болды, деп хабарлайды @Pavlodarnews.kz тілшісі.
павлодар ауданының 95 жылдық мерейтойына орай ауданның мәдениет үйлері жаңа құрылғылармен жабдықталды. Оларға жаңа музыкалық колонкалар, ноутбуктар, микшерлі пульттер және микрофондар табысталды.
– Енді бізде жаңа музыкалық құрылғылар бар екеніне өте қуаныштымыз. Алдағы уақытта мерекелік іс-шаралар жағары деңгейде өтеді деген ойдамын, – дейді Новоямышево ауылы мәдениет үйінің мәдени ұйымдастырушы Болатхан Серікбол.
Еске сала кетейік, ауданның 95 жылдық мерейтойына орай түрлі іс-шаралар ұйымдастырылды. Облыстың суырып-салма ақындары өзара додаға түсіп, 2 миллион теңгелік сертификатқа таласқан болатын. Бұл додаға облыстың қатарға енді қосылып келе жатқан жас айтыскерлері де қатысты.
