Өңірде 28 мыңға жуық жол ережесін бұзу тіркелген, деп хабарлайды @Pavlodarnews.kz.Облыстық полиция департаментінің мәлімдеуінше,
- Ағымдағы жылдың өткен кезеңінде павлодар облысының аумағында 97 жол-көлік оқиғасы тіркелді, соның салдарынан 15 адам қаза тауып, 147 адам жарақат алды, - деді департаментте.Полиция департаменті жол-көлік оқиғаларын азайту және алдын алу мақсатында тұрақты негізде демалыс және мереке күндері жол қозғалысы ережелерінің өрескел бұзушылықтарын анықтау бойынша рейдтік іс-шаралар өткізеді. Жыл басынан бері облыс аумағында 6 жедел-профилактикалық іс-шара өткізілді.
- 2022 жылдың 3 айында жол қауіпсіздігі бойынша шамамен 28 000 әкімшілік құқық бұзушылық анықталды, - деді департаментте.Апат жағдайына әсер ететін негізгі факторлардың бірі жылдамдық режимінің талаптарын сақтамау болып табылады. Жыл басынан бері «Кибер-Шериф» құрылғысымен 7 мыңнан астам жылдамдық асырушы анықталған.
Фото: Константин Шелков
