Көшедегі қозғалыс бағытын өзгерту туралы халық арасында сауалнама жүргізілген, деп хабарлайды @Pavlodarnews.kz.Облыстық полиция департаментінің мәлімдеуінше, дарынды балаларға арналған №8 мектеп-лицейінің өтініші бойынша полиция қызметкерлері оқу орнының жанындағы көше-жол желісіне тексеру жүргізген.
- Едіге Би бұрынғы Крупская көшесін зерттеу қорытындысы бойынша балалардың қауіпсіздігін қамтамасыз ету мақсатында Едіге би көшесі бойынша бір жақты қозғалысты енгізу, жылдамдықты төмендетуге арналған жасанды жол кедір-бұдырлығын орнату, сондай-ақ «Балалар», «Жаяу жүргінші өткелі», «Ең жоғары жылдамдықты шектеу» жол белгілерін орнату туралы шешім қабылданды,- деді департаментте.Біржақты қозғалысты қай бағытта (Луговая көшесіне немесе Астана көшесіне қарай) енгізу орынды екенін анықтау үшін халық арасында сауалнама жүргізілді. Сауалнама қорытындысы бойынша респонденттердің 80%-ы біржақты қозғалысты енгізуге дауыс берді, олардың 62%-ы Астана көшесіне қарай қозғалыс идеясын қолдады.
Осыған байланысты, Полиция департаментінің ұйғарымы бойынша мердігер ұйым «павлодар қаласының ҚжТКШ, ЖК және АЖ» ММ өтінімі бойынша тиісті жол белгілерін орнату бойынша жұмыстарды орындады.
Фото: ашық дереккөздерден
