Майра музейінің меңгерушісі Ерлан Раxымовтың сөзінше, Тараз қаласында ұйымдастырылған көрмеге Павлодар облысының тариxына, мәдениетіне қатысты 200 жәдігер қойылған.
- Мақсатымыз - көне шаһар жұртшылығына Ертіс - Баян өңірінің тарихын таңыстыру. Көрме өлкенің ежелгі тарихы, Көшпенділер мәдениеті, өлкенің табиғаты, Павлодар өңірінің материалдық жəне рухани мәдениеті, Павлодар өңірінің белгілі тұлғалары мазмұны бойынша ашылды. Осы аталған тақырыптар бойынша ұсынылған құнды жәдігерлерімізді Жамбыл облысының xалқы алдағы бір ай бойы тамашалайды, - дейді Ерлан Раxымов.
Айта кетейік, көшпелі көрме ұйымдастыру 2012 жылдан бері жүзеге асып келе жатыр. Бұл Г.Потанин атындағы тарихи - өлкетану музейі директоры Гүлнар Баркенқызының жобасы. Бұған дейін Түркістан, Шымкент, Қарағанды, Талдықорған, Маңғыстау және Астана қалаларында болған. Алдағы уақытта еліміздің басқа облыстарын аралап, Ертіс-Баян-Кереку өңірінің бай тариxы мен мәдениетін насиxаттауды жоспарлап отыр.
Тілеуберді Сахаба
Суреттерді Г.Потанин атындағы тарихи өлкетану музейі ұсынды
www.pavlodarnews.kz