С 20 июля по 20 августа конкурс статей и видеосюжетов «Герой нашего времени»

«Жастар» ғылыми зерттеу орталығы 2017 жылдың 20 шілде мен 20 тамыз аралығында 14-тен 29 жастағы жастар арасында «Бүгінгі күннің кейіпкері» атты мақалалар мен бейнебаяндар байқауын өткізеді. 
Қазіргі қазақстандық кейіпкерлердің өмірінен алынған оқиғалар мен мысалдар бейнеленген, сондай-ақ жеке пікірлері, көзқарастары мен ой-толғаулар мазмұндалған бүгінгі күннің кейіпкері деп атануға лайық адамдар туралы мақалалар мен бейнебаяндар байқауға ұсынылады. 
Жас буын дарынды өкілдерін анықтау, оларға шығармашылық өзін-өзі дамытуға жағдайларын жасау және жастар арасындағы бүгінгі күннің кейіпкері бейнелерін жинақтау байқаудың негізгі мақсаты болып табылады. 
Байқау қорытындысы 2017 жылдың қыркүйек айында байқау комиссиясы көмегімен анықталады. 
Байқау жеңімпаздары ақшалай сыйақылар мен құрмет грамотасына ие болады. Үздік жұмыстар «Elzhastary.kz» бірыңғай республикалық жастар порталында жарияланады.