Бағдарламада чемпиондар шеруі мен киімдердің байқауы бар, деп хабарлайды @Pavlodarnews.kz.
«Альянс» павлодар облыстық ит өсірушілер клубы» ҚБ-нің мәліметінше, 10 қыркүйекте қалалық саябақта «Кубок Севера KZ» ОАК дәрежесіндегі барлық тұқымды иттердің көрмесі ұйымдастырылады. Өскемен қаласынан иттерді бағалау үшін ұлттық санаттағы сарапшы Евгения Лыкова шақырылған. Тіркеу 5 қыркүйекке дейін өтеді.
– Көрмеге Астана, Павлодар, Теміртау қалаларының ит өсірушілері арнайы келеді. Тіркелу әлі де жалғасып жатыр. Сондықтан нақты қанша ит шығатыны әлі де белгісіз. Шара күні 10-15 иттен қосылуы әбден мүмкін,– деді «Альянс» клубының жетекшісі Данара Сейтқанова.
Оның сөзінше, иттердің жасына ешқандай шектеулер жоқ, тек құжаттары яғни күшіктердің өлшемдері немесе асыл тұқымды деген анықтамасы, тиісті вакцинация белгілері бар вакцинация паспорты бар үш айлық иттер де қатыса алады.
– Көрмеде асыл тұқымды иттердің өзінен бөлек, алғаш рет дәстүрлі киімдер байқауы мен чемпиондар шеруін көруге болады,– деп атап өтті Данара Сейтқанова.
Айта кетейік, аталған иттер көрмесі 13 тамызда өтуі керек болған. Алайда бірқатар себептерге байланысты шара кейінге қалдырылды.
