Тәртіп сақшыларының еңбегі Конституция күні қарсаңында еленді, деп хабарлайды @Pavlodarnews.kz.
Облыстық полиция департаментінің баспасөз қызметінің мәлімдеуінше, сексеннен астам полицей марапатталды.
- Конституция күні қазақстандықтар үшін мерекеден гөрі республика азаматтары үшін Тәуелсіздіктің, бостандықтың, бейбітшілік пен тұрақтылықтың нышаны. Тұрақтылық пен тәртіптің кепілі ретінде әрбір полиция қызметкерінің міндеті - ант пен қызметтік борышқа адал бола отырып, осы құндылықтарды күзету, - делінген хабарламада.
Салтанатты іс-шараны полиция департаменті бастығының бірінші орынбасары Жасқайрат Қайыров жеке құрамды Конституция күнімен құттықтап, қоғамдық тәртіп пен азаматтардың қауіпсіздігін күзету жөніндегі қиын қызметте табыс, зор денсаулық пен отбасына амандық тіледі. Сонымен қатар, полиция қызметкерлері Алғыс хаттар мен грамоталармен марапаттады.
Қызметтік міндеттерін адал атқарғаны, жұмыста жоғары көрсеткіштерге қол жеткізгені үшін облысы әкімінің Құрмет грамотасымен Аққулы ауданының учаскелік полиция инспекторы Рүстем Сыздықов марапатталды.
Жалпы, полиция департаменті бастығының бұйрығымен 41 полиция қызметкері грамотамен марапатталса, тағы 47 полиция қызметкеріне алғыс жарияланды.
