павлодар қаласы білім бөлімінің хабарлауынша, 21 - 25 наурызда Нұр-Сұлтан қаласында жасанды рельефте тау туризмі және спелео - туризм техникасы бойынша қазақстан чемпионатына еліміздің әр өңірінен келген жасөспірімдер, ересектер қатарынан 32-ден астам команда жиналды.
Жасанды рельефте тау туризмі бойынша жалпы командалық есепте І орынды «Командалық» қашықтықта жасөспірімдер арасында «Павлодар» командасы иеленді. Құрамында Артем Киселев, Никита Синченко, Елнура Идрисов, Кирилл Деркач, Дарья Муравкина және «Жеке» қашықтықта «Павлодар-1» командасының тәрбиеленушісі Альбина Ықласова иеленді.- Павлодар атынан «Пирамида», «Вершина» туристік клубтарынан, Экология және туризм орталығының СЮТур» балалар аула клубынан 25 тәрбиеленушіден тұратын «Павлодар», «Павлодар-1» атты екі команда қатысты, - делінген хабарламада.