Чемпионат Қарағанды облысының Қарқаралы қаласында өтті, деп хабарлайды @Pavlodarnews.kz тілшісі.
Қалалық білім беру бөлімінің мәліметінше, жүгіруден спорттық бағдарлау бойынша республикалық чемпионатқа Астана, Алматы, Қарағанды, Алматы, Шығыс Қазақстан, Батыс Қазақстан, Солтүстік Қазақстан, Қарағанды, Ақмола облыстарының командалары қатысты. Барлығы 200-ден астам спортшы бақ сынады. Ертіс өңірінің атынан павлодар қаласы білім беру бөлімі Экология және туризм орталығының «СЮТур» балалар аула клубының «Вертикаль», «Вертикаль-14» клубтарының екі педагогі мен жеті тәрбиеленушісі қатысты.
– Қашықтықтар физикалық және тактикалық жағынан күрделі болды. Әр аймақта карталардың өзіндік суреті бар. Қарқаралыдағы қашықтық әрдайым өту қиындығымен ерекшеленеді. Спортшылардың жолында үстірттер мен ойпаттар, кішкене ағын сулар мен батпақтар сияқты кедергілер болды. Барлық қашықтықтар түрлі карталар бойынша әртүрлі аудандарда өтті. Кіші топтардағы спортшылар үшін қойылған міндеттерді орындау өте қиын болды, алайда біздің тәрбиеленушілердің алған тәжірибесі болашақта жеңіс тұғырына көтерілуге көмектеседі, – дейді Оксана Дьяченко.
Жарыс бағдарламасында төрт қашықтық болды: «Орташа», «Ұзын», «Эстафета» және «Спринт». Чемпионаттың қорытындысы бойынша павлодарлық педагогтар сегіз медаль жеңіп алды.
Оксана Дьяченко үш күміс және бір қола медаль, Сергей Кремер төрт қола медальге ие болды.
